Борооны эгч

Би хүмүүсийг аль нэг улиралтай, эсвэл байгалийн үзэгдэлтэй зүйрлэх “өвчтэй” юм. Салхи шиг, цас шиг, намар шиг, зун шиг хүмүүстэй зөндөө л учирч байлаа. Бүр шүүдэр шиг жижигхэн, бөөрөнхий, хүрэхэд хүртэл хайран хүн байдаг гээч. Харин үнэн өнгө, жинхэнэ хэлбэр дүрс нь хэнд ч ологддоггүй, ойлгогддоггүй болохоор, өөрийгөө “Солонгон охин” гэж нэрлэсэн хэрэг.

Бурхантай хийсэн яриа

“Нэгэн нулимасны дусал галыг унтрааж
Нэгэн хар цэцэг дэлбээгээ нээж байна...
Би хэн нэгэн залбирахыг сонсож байна”

Нисдэг өвөл /Дурсамж тэмдэглэл/

Шинэхэн цасан дээр гүйсэн тагтааны мөрийг дагах нь,тэр нэг өвлөөр миний олсон хамгийн сонирхолтой ажил. Цав цагаан гудамжин дээр унасан жижиг хар однууд шиг харагдах шувууны саврын мөрүүдийг дагаж явсаар заримдаа танихгүй, мэдэхгүй газар оччихоод буцаж гэрээ олох гэж зүдэрдэгсэн.

Салхи байсныг чинь мэдсэнгүй

Үсийг минь ширхэглэн имэрч
Үнэрийг минь хэсэгчлэн хулгайлдаг байсан
Салхи байсныг чинь мэдсэнгүй
Санаанд оромгүй атлаа санаанд орж
Санагдмааргүй атлаа санагдаад байдаг байсан...
Салхи байсныг чинь мэдсэнгүй
Зүүд шиг хоосон, энэ ертөнцийнх биш чамайг
Зүсээ арав хувилгахад чинь огт гайхаагүй ч
Зөрөөд өнгөрөх чинь л үнсэлт адил намайг сульдаадагт
Зүгийг чинь дагаж би зөндөө хийссээн
Салхи байсныг чинь мэдээгүй
Үхэл мэт амьдрал
Үнэн мэт худал минь...
Аюул дүүрэн тайтгарал
Алдаа бас оноо минь
Арай л хожимдож, бас
Арай л эртдэж ирсэн амраг минь
Анхны бороо минь...
Ахиж бичигдэхгүй хамгийн төгс шүлэг минь
Ганцхан чамд л зохидог
Тэр их эрх чөлөөний
Гараас нь зуурч үзэх гэж
Дэндүү их хичээлээ
Салхи байсныг чинь мэдээгүй юм аа, уучил
Салхи байсныг чинь л...

2011,09,27

Дурлалтай нүүр тулахуй

Би өөрийгөө “тийм” гэж боддог, бүр тэр бодолдоо бат итгэдэг байлаа. Гэтэл юу болсон гэж санана? Дурлаад ирсэн чинь, би “тийм” биш эсрэгээрээ “ийм” болж таарлаа. Бүр нилээн хэдэн талаараа гээч.

Самрын үр шиг жаахан болоод...

Самрын үр шиг жаахан болоод
Салхины хэмнэлээр дүүжигнэх
Бүв бүлээн ганц навчин дээр хэвтэж
Бүүвэйлэгдэн бүүвэйлэгдээд
Өчигдрийг бас өнөөдрийг
Үүрд мартан мартатлаа
Өнө удаан нойрсох юмсан.

2011 08 28

Сая сая жилээр...

Сая сая жилээр
Сарниж алга боллоо гэж
Би чамд хэлсэн
Санана даа гэж чи даанч хэлээгүй

Дэрэн дээр дуслах нулимсыг...

Дэрэн дээр дуслах нулимсыг
Нэг нэгээр нь тоолж
Дээшээ харж урссаар
Үүр цайлгачихжээ
Тэнгэр ийм хүнд байсныг мэдсэнгүй
Хоёр нүдээрээ шөнөжин өргөх гээд чадсангүй
Газрыг ийм давалгаатай байсныг ч мэдсэнгүй
Гараараа тулж босох гээд чадсангүй ээ... /2011 8 29/

/Эрх чөлөө хүртэл дөнгөтэй байдаг юм гэсэн/

Камертон-Мод үүл хоёр

Нулимсаа даахгүй уйлсан үүл
Нууцхан шаналан хөвөн явахдаа
Салхинд гандсан модыг хараад
Санаа алдан өрөвдөн зогсчээ
Сар жилийн уртад ганцаардан хатжээ

Цорын ганц...

Цорын ганц жаргал чинь болъё!
Цорын ганц зовлон чинь болъё!

Цуурай чинь...
Цуу алдар чинь ч бас болъё!

Цуурсны чинь наалт
Цоорсны чинь нөхөөс болъё!

Хүйтэн үнэртнүүдээс чамайг хамгаалах гэж
Хүзүүн дээр чинь суудаг сахиус болъё!

Хүсэл бүрийг чинь ойлгодог болох гэж
Хүүхнүүдийг хардаг нүд чинь болъё!

Өврийн чинь дэвтэр болоод би
Өөрийнхөө хуудас бүрийг дэлгүүлье!

Аюулаас чамайг амиараа хуягалдаг
Арьсны чинь гадуурх арьс болъё!

Зүгээр л ердөө
Зүрх чинь л болчихъё!

Зүүн цээжний чинь
Зүүлт нь болъё!
2011.08.26

...

Ганц хөл дээрээ өдөржин эргэсэн бүжигчин шиг
Газрыг онож гишгэж чадахаа болив, би
Хундаган дотроо гал дүүргэж уусаар
Хуурайшсан сэтгэлээ түймэрдэж орхив, би

Навчсын дунд
Навч болон хийсэхэд
Нарийхан судлаараа
Нарны зүү сүлбэхийг мэдрэх
Устай цуг
Ус болон урсахад
Буй биеэрээ
Бусадтай холилдож үзэх
Үүлстэй цуг
Үүл болон хөвөхөд
Үнэн худлын завсраар нь
Үргэлжилж үзэх
Цастай цуг
Цас болон ороход
Амрагийнхаа алган дээр
Амь тавьж үхэх
Хүмүүстэй цуг
Хүн болж амьдрахад л...

... /Данзангийн Нямсүрэн/

Өвлийн гол усныхаа эгшиглэн цагаан дунг сонсмуй
Өврөөс сэрэх янагийн минь хөмсөг алтан хараацай шиг нисмүй
Өглөөний тунгалаг, мөнгөн талынхаа дууллыг чагнамуй
Өврөөс сэрэх янагийн минь сормуус алтан хийл шиг харагдмуй
Өргөн нуга хөндий ян тас хөлдөх нь зүүрмэг үүрээр дуулдмуй

Оройтсон сар нэг ил гарч, нэг далд орно...

Оройтсон сар нэг ил гарч, нэг далд орно
Ойртсон хөлийн чимээ сонсогдон, ус авсаар эргэх бүсгүйн
Орь залуухан цогцос харанхуйн дунд сүүтэгнэн дөхнө
Одод хувинтай усанд нь уралдан бууж, жараахай шиг сэлнэ
Орчлон хорвоо бүрэнхийн дунд хөлөг онгоц дайвалзах шиг
Очиж хувинтай усыг авах зуур гарыг нь атгахад бүлээн
Ондоон гаригийн хүн шиг бишүүрхэн мэндлэх бүсгүйн гарт
Одоо хувь заяа минь цэцэг шиг атгаастай байна... /О.Дашбалбар/

Тэр охин.../өгүүллэг/

Тэр охин надад ээжээсээ илүү хайртай байв. Яагаад гэвэл цуг элсэн талбай дээр тоглож байхад тэр элсээр ээждээ жижигхэн, харин надад илүү том зүрх хийж өгдөг байсан юм. Байрны минь үеийн хүүхдүүд намайг “Еээ охинтой нийлээд байхдаа яадаг юм, чи охин юм уу” гээд л шоолдог байлаа. Тааралдах болгондоо шүү. Тийм болохоор л би түүнийг дагуулаад зориуд хажуугийн байрны гадаа очиж тоглодог байсан юм. Түүнээс өөр хүүхэдтэй цуг байхыг хүсдэггүй байв.

Солонгон охин

Сормуусаа дэвж
Салхийг үүсгэдэг
Солонгон охины
Тольдох туяанд
Сар тодорч
Үсээ самнахад нь
Үүлс нүүдэг
Гэрэлтэгч өлмийгөөрөө
Гишгэсэн одод нь
Гялалзахдаа
Хотынхныг унтуулдаг
Ховор аялгууг
Дуугаргадаг
Сормуусаа дэвж
Салхийг үүсгэдэг
Солонгон охиныг
Уруулаа шилэмдэхэд нь
Уулсын орой чийгтэж
Энгэрээ сэгсэрэхийг нь
Энд бороо гэж нэрлэдэг.

2011,07,14

/Тэр охин ёстой үзэсгэлэнтэй, үүл нар хоёрын завсар амьдардгийн/

Lil Wayne-How to love

Би Лил Вейний шүтэн бишрэгч биш л дээ. Үнэндээ ганц хоёр дууг нь л мэднэ. Нэг их репдээд байдаггүй болохоор. Гэхдээ энэ дуунд ойрын үед үнэхээр их дурлаж байна аа. Өөртөө итгэлгүй болсон, өөрийгөө байгаагаасаа доогуур үнэлж шаналж явдаг охидод сайхан мессеж өгсөн дуу байна лээ. Тэгээд зүгээр л энгийнээр орчуулмаар санагдсан юм.

Мэдрэмж-1

Төв биеэс минь
Дөрвөн зүг тархсан
Галт утаснууд цогшихдоо
Гарын минь хуруудыг далавчлуулж
Үсийг минь хүртэл
Өд сөд болгочиход нь
Дэвээд л...

"Чимээ"-тэй чимээгүй өдөр

Өнөөдөр салхинд гарав. Гэрийхэнтэйгээ. Хамаатныхаа ах эгч нартай. Бас долоо хоногийн өмнө хорвоод мэндэлсэн, эгчийн хүүхэд Нандинтайгаа. Төрснөөс нь хойш өчигдөр л харсан юм. Хараад л цээж шархираад байсан. Яагаад юм бүү мэд. Хэн нэгнийг тэгтлээ их хамгаалах хүсэл төрж байсангүй үнэндээ...Сонин юм билээ. Үүлнээс төрсөн үр юм шиг санагдаад нэг л эмзэг.

Ер бусын өдрүүд

/Ус шиг нүдийг минь

Ууж ханаагүй л чи минь/

Дотор биеэрээ
Солонго татуулж
Долоон утсаар нь
Симфони тоглосон
Арьсныхаа цаанаас л
Туяараад байсан
Аялгуулаад байсан
Дурлалт өдрүүд минь...
Ер бусын өдрүүд минь...

2011,07,11

"Тэнгэрт ургадаг модод"-ын дундуур алхахад

Номыг тань дэлгээд
Хацартаа наагаад хонов
Нулимастай минь адилхан юм аа таны шүлгүүд
Халуу дүүгээд л сэрэв
Нууцыг тань тайлах гэж зүүдээ манаад болсонгүй ээ
Хаанаас ч юм тэнд (нойронд)
Нов нойтон салхи
Салхи л байсан...

(Тэнгэрт ургадаг моддыг
Дэрлээд нойрссоны өглөө нь...)

Хараацай

Надад нэг хараацай бий
Нарийхан салаа сүүлтэй
Хар биш цагаан далавчтай
Хачин...
Хараацай бий

...

Цамцаа шидчихээд толь руугаа алхлаа
Цаад ертөнцийн БИ
Чанх өөдөөс

Өөрийн чинь үлдээсэн бүхэнд...

Цээжийг минь дэлгээд хар л даа
Энд таны зүүж өгсөн од байна
Ингээд гялалзаад л байдаг юм
Ийм тод гэрэл гэж байх уу?

...хойш

Амьсгалах чинь ч
Аялгуу юм гэдгийг мэдсэнээсээ хойш
Ахин дахин санаа алдахыг чинь л анирдаж
Амандаа гунигаа хүлхэж алхах минь сайхан санагдах болсонсон
Өндөгнөөс чинь атгаад
Өлмий дээрээ эргэхдээ
Өөрийгөө бүжигчин гэж төсөөлсөн тэр үдшээр
Дүүрэн нүдтэй гудамжинд
Ханатлаа үнсэлцсэнээсээ хойш

Хэн нэгэн шиг...

Хэн нэгний гар шиг салхинд
Хормойгоо сөхүүлэх
Хэн нэгний инээд шиг цасанд
Хоёр нүдээ сондорлуулах
Хэн нэгний нүднүүд шиг бороонд
Ширтүүлэн ширтүүлэх
Хэн нэгний уруул шиг үнэрт
Шимүүлэн озуулах

2011.06.21

Энэ их усан борооноор
Эгэм дээрээ хүйтэн ус тогттол
Их удаан алхахсан

Би сайхныг мэдэрч байна /орчуулга/

Дээгүүр нисэх шувуу чи, надад мэдрэгдэж буйг мэдэрч буй
Тэнгэрт байгаа нар чи, надад мэдрэгдэж буйг мэдэрч буй
Дэргэдүүр давхих салхи чи, надад мэдрэгдэж буйг мэдэрч буй
Шинээр үүр цайж байна, шинэ өдөр эхэлж байна, шинэ амьдрал өмнө минь байна
Тийм ээ, би сайхныг л мэдэрч байна

...

Орчлоон гээд орилоодохтол
Одод товч шиг тасраад
Ойж унахыг үзэв...

Нүглээ наминчлахсан...

Хувь тавилангийнхаа эхлэл төгсгөл хоёрыг
Холбож зангидаад
Хуруунд минь зүүж өгөхийг тэгтлээ хүссэн чиний
Нүдний чинь доор мэнгэ болж зогсоод
Нулимсанд чинь өдөр бүр норж
Нүглээ наминчлахсан... /11.06.12/

Духны минь урдуур унжсан үсэн дээр
Тув тунгалаг борооны ширхгүүд...
Чинэрсэн хөхний толгойн дээр үрлэн сүү бөнжигнөх шиг
Чичирсэн тийм нэг дуслуудад хүрвэл цоччих юм шиг эмзэг санагдаад
Үсээ шууж чадсангүй ээ...
Өдөржин би гивлүүртэй алхлаа /11,06,06/

Анна Ахматова: Зүрхнээс минь шүүрэх нарны дурсамж

Зүрхнээс минь шүүрэх нарны дурсамж,
Шаргал өвс.
Сульдуухан хаялах цаг эртийн цас,
Бүдэг бадаг.

...

Үүрээр босч
Үснээсээ сарыг самнаж унагаад
Шөнийг тайлж, нүдэндээ эвхэж хийчихээд
Өглөөг нөмөрч ертөнцийн тагтан дээр гартал
Нар ганцхан үсэрч дээшээ гарч ирээд
Надад баглаа гэрэл бэлэглэж
Болзоонд урьлаа
Бодох ч завдал гарсангүй...

/Нартай зугаалсан тэр өдөр би их халууцсан...:p/

Анна Ахматова: 3-р сарын элегия

Хазайсан оройтой чимээгүй сүм,
Хар хэрээнүүдийн чихарсан хоор дуу,
Галт тэрэгний шүгэлдэх чимээ,
Гяндангаас дөнгөж суллагдсан эр шиг
Газарт ядрангуй зогсох хус мод
Ариун Библийн
Ариун моднуудын хоорондох
Шөнө дундын нууц хурал,

Чиний л дэргэд би...

Чиний л дэргэд би
Жижигхэн охин болчихдог
Амттан авахуулж идээд
Амандаа юуг ч юм шулганаж алхдаг
Өөрийнхөө зохиосон хэлээр
Үлгэр ярьж өгдөг
Үнэндээ бүгдийг мэддэг хирнээ
Үргэлж “яагаад?” гэж чамайг шалгаадаг

БИ

БИ
Биенээс ууршаад салдаггүй үүл.
Биелэх болоогүй зүүднүүд.
Бодлуудын ээлжээ хүлээх цуваа.
Бороо нэг нэгээрээ дуслах шиг.
Бодлууд минь...нээрээ бороо. Өөртөө
Шивнэх минь шиврээ шиг.
Асгарах л нь харин
Асар хүчтэй дэлбэрэлт шиг.
Бөмбөг тэсрэх шиг, тэгээд
Бөмбөлөгнүүд хөөрч байгаад хагарчих шиг.
Бодлууд...
Бөөн бөөн бодлуудын бөөгнөрөл...БИ

Диваажинд хүрэх шатаа...

"There's a lady who's sure all that glitters is gold
And she's buying the stairway to heaven. "
Led Zeppelin-Stairway to Heaven


Диваажинд хүрэх шатаа худалдаж авсан
Тэр эмэгтэйн домгийг сонсож алхахад
Тэнгэрээс хэн нэг ТУНГАЛАГ өнгийж ирээд
“Амьдрах уу?” гэж надаас аяар асуулаа

Итгэл...

Үнэртэй чинь цуг
Өглөө сэрнэ
Үнэртэй чинь цуг
Өглөөний цайгаа ууна
Үнэртэй чинь цуг
Өдөржин алхчихаад
Үнэртэй чинь би
Үнсэлцээд сална

Ella Fitzgerald-Misty

Намайгаа хараач, би модонд авирсан муужгайнаас ч сул дорой болчихоод,
Үүлнээс зүүгдээд л, нисээд л яваа юм шиг...

Сүрчиг-Алуурчны түүх

Жан Баптист Грануиллийн төгс үнэрийг бүтээх гэсэн төгс арга-бүсгүйчүүдийг хэрцгийгээр хөнөөж биенээс үнэрийг нь шингээж авах. Заримдаа хэтэрхий төгс юм болгон аймшигтай байдаг.

Нар жаргаж байна

Нар жаргаж байна
Над руу сая харсан муурны нүдтэй адилхан юм
Шар бас дундуураа зураастай
Тэр зураас магадгүй хүйс нь байх

Яагаад...

Яагаад шөнө гэдэг үг тайвшрал гэдэг үг хоёр адилхан сонсогддогийг
Яагаад сараана цэцэгний үхэл хүртэл үзэсгэлэнтэй харагддагийг
Яагаад асаасан шүдэнз удаанаар ёолох нь зүрх түлдгийг
Яагаад нисэж сурсан шувуу бүр эрх чөлөөний тухай боддогийг
Яагаад...
Яагаад нисэж сурсан шувуу бүр чамтай
Яг ижилхэн санагддагийг л...

/Дэндүү их дэндүү их дэндүү их...савнаасаа хальж асгарсан хальсаа цоолсон, урсан их эрх чөлөө.../

Дөрвөн өдрийн...

Тайлаад тавьсан цамцны чинь
Товчинд хүртэл цоо ширтүүлж зогсохдоо
Би юугаа ч нууж чадаагүй...
2011,05,18

Салхи миний үнэрийг биедээ түрхээд
Болзоо руугаа гүйсэн дээ...
2011,05,19

Цэнхэрийг атгаж авахаар
Тэнгэр лүү гараа дүрэх...
201,05,20

Цэцэгнүүд энгэрээ гэнэт задгайлж
Өөрийгөө илчлэх нь
Ичгүүртэй санагдах...
2011,05,21

/Ямар нэг холбоо сүлбээ учир жанцан байхгүй ээ зүгээр л олон жижигхэн юм оруулж байхаар гэж бодсын.../

Хойч

Өчигдрийн борооны
Үхмэл дуслууд хөл дор шуугина
Өрөвдөлтэй ч
Өнөөдөр тэнгэр ахиад л амаржиж байгаа гэж бодохоор...

Зүрхэн доторх ажин түжин

I
Зүрхэн дотор минь чи
Зуун хоног тэнүүчлэхдээ
Яагаад нэг ч удаа
Эргэн тойрноо ажаагүй юм бэ?
Ажсан бол
Тэндэхийн тэнгэр эндэхээс
Тэс өөр ягаан өнгөтэй гэдгийг
Чамайг хааяа хамаагүй дэвхцэх бүрт
Час улаан цасаар шуурч эхэлдэг гэдгийг
Мод бүр нь ганцхан навчтай гэдгийг
Тэр навчин дээр нь ИТГЭЛ гэж сийлээстэй байдгийг
Чи анзаарах л байсан

Katie Melua-I Cried For you

Чи маш чимээгүй хирнээ үзэсгэлэнтэй
Чиний гоо үзэсгэлэн цэнхэр өнгөний сүүдэр дор бий
Чам руу харахад л
Чиний гоо үзэсгэлэн намайг хэрцгийгээр илбэдсэн

Хэн нэгэн нь...

Зүрхэн дотор минь нэг
Гэрээсээ төөрсөн жаахан охин
Гудамжны модон сандлан дээр суугаад
Хуруугаараа оролдож байна
Хэн нэгэн түүнийг гэрт нь хүргэж өгөөсэй

Хайр асуусан үг

Чиний сэтгэлийн цусыг
Голын ус гэж бодоод
Өөрийнхөө сэтгэлийн
Гал улаан эргээс
Чулуу авч шидвэл
Шидсэн чулууг минь тэр залгих болов уу?
Хөвүүлэх болов уу?

Чамд дурласан өдөр

Чамд дурласан тэр өдөр
Хайр гэдэг үгийг
Хаана ч хамаагүй биччихээд
Хараад л зогсоод баймаар
Хачин өдөр байсан

Цав цагаан бошинзтой...

Цав цагаан бошинзтой
Царайлаг охид-Цас
Гартаа бүгд жижигхэн хонх атгачихжээ
Газарт инээлдсээр буухад нь
Жингэнээд л, жингэнээд л

Чи мэдэхгүй

Чамайг надад
Шүлгээ уншиж өгөөд
Шүлсээ хаях хоорондуур
Зүрхэндээ би
Шөнөтэй ханьсаж хөтлөлцөөд
Шүүдэр цуглуулж амждаг
Чи мэдэхгүй

Тест

Эмийн сан хүртэл 93 алхам. Хүүхэд байхдаа тэгж тоолж байсан санагдана. Одоо тэр үеийнхаас би хамаагүй том алхдаг болсон байх даа.

Шөнө дунд цас орж байна

Хав хар тэнгэрээс цагаахан од дусална
Харанхуйд хэн нэг нь уйлж байна
... Энэ яасан сэвсгэр зөөлөн!
Энэ яасан сэрүүн аниргүй!

Гаж донтон

Чи гаж донтой
Галзуурмаар сайхан донтой
Гайхширч үсээ зулгаагаад
Ганцаархнаа өмчлөөд
Гавлаж сахимаар
Тийм сайхан донтой

Хэнгэнэтэл уйлмаар

Хэнгэнэтэл уйлмаар
Хэн нэгэнд хайртай гэж худлаа шивнэмээр
Хэсэг нөхдөө
Хэтэвчээ хоосортол дайлмаар

Цасны сүүлчийн үг

Өнөө өглөө сэрэхэд бүх юм нэг л биш...
Өнгөрсөн шөнө би хэн нэгнийг алдчихсан юм биш байгаа?

...

Саваагүй зан нь хөдөлсөн
Сахилгагүй охин хөшиг
Сарвагар хормойгоо сөхөгдөж байгааг ч тоолгүй
Салхиар дээс хийгээд үсэрч тоглоно

Хөөс

Нэрс жимсний амтлаг үнэр аппетит хөдөлгөв. Хөх өнгийн, исгэлэн хэрнээ чихэрлэг үнэртэй шингэнээс онгоц дүүрэн усанд багахныг хийгээд гараараа цалгиулан хөөсрүүллээ. Төд удалгүй ванн сэвсийсэн цагаан хөөсөөр дүүрэв. Зурвас харахад сүүн кремтэй бялуу шиг.

Сар надад дурлачихаад...

Сар надад дурлачихаад
Шөнө бүр цонхон дээр ирж хонодог
Огторгуйгаас
Гэрлэн эгшгээрээ
Гитар тоглож намайг дуудаад
Гэрэвшихдээ улам тунгалагшдаг

Хүссэн...

Чи яваад өгсөн. Яваад өгсөнд чинь уур хүрсэн. Ганц л үнсүүлэх горьдлого дотор минь шатаж байсан юм. Шал хийтэл сэтгэл рүү шалбааг цацах шиг л...урам хугарсан.
Яагаад гэвэл урьд шөнийн бүжгэн дээр учирсан үл таних бүсгүйн хунгийнх шиг хүзүүг хэрхэн амталсныг чинь сонсож суухад шанааг минь даган хуялын бүлээн ирвэгнээ гулсаж байсан юм.

4.15-ны сарыг хараад төрсөн сэтгэгдэл

Өлмийгөө жаахан өргөөд л
Үмхээд авчихаж болмоор ч юм шиг
Өндөг шиг өнхрүүлж тогломоор, бас
Өвөртөө хийж дулаацуулмаар ч юм шиг

Ув улаан өнгө

Уурласан нүднээс чинь
Ув улаан өнгө үнэртдэг

Төсөөллийн өрөөнөөс арай хийн гараад

Уйлмаар, дотогшоогоо уйлмаар
Уйлаад сэтгэлээ угаамаар