Хайр чинь хаан билээ...

Хайр чинь хаан билээ...
Зүрхээр минь титэм хийсэн
Хайр чинь хаан билээ
Зөрөхийн аргагүйсэн
Үнсэлт чинь бэлзэг билээ
Өөрийг минь ороосон
Үнэн сэтгэлийг минь бөгжөлсөн
Үнсэлт чинь бэлзэг билээ

Камертон-Мод үүл хоёр

Нулимсаа даахгүй уйлсан үүл
Нууцхан шаналан хөвөн явахдаа
Салхинд гандсан модыг хараад
Санаа алдан өрөвдөн зогсчээ
Сар жилийн уртад ганцаардан хатжээ

... /Данзангийн Нямсүрэн/

Өвлийн гол усныхаа эгшиглэн цагаан дунг сонсмуй
Өврөөс сэрэх янагийн минь хөмсөг алтан хараацай шиг нисмүй
Өглөөний тунгалаг, мөнгөн талынхаа дууллыг чагнамуй
Өврөөс сэрэх янагийн минь сормуус алтан хийл шиг харагдмуй
Өргөн нуга хөндий ян тас хөлдөх нь зүүрмэг үүрээр дуулдмуй

Оройтсон сар нэг ил гарч, нэг далд орно...

Оройтсон сар нэг ил гарч, нэг далд орно
Ойртсон хөлийн чимээ сонсогдон, ус авсаар эргэх бүсгүйн
Орь залуухан цогцос харанхуйн дунд сүүтэгнэн дөхнө
Одод хувинтай усанд нь уралдан бууж, жараахай шиг сэлнэ
Орчлон хорвоо бүрэнхийн дунд хөлөг онгоц дайвалзах шиг
Очиж хувинтай усыг авах зуур гарыг нь атгахад бүлээн
Ондоон гаригийн хүн шиг бишүүрхэн мэндлэх бүсгүйн гарт
Одоо хувь заяа минь цэцэг шиг атгаастай байна... /О.Дашбалбар/

Lil Wayne-How to love

Би Лил Вейний шүтэн бишрэгч биш л дээ. Үнэндээ ганц хоёр дууг нь л мэднэ. Нэг их репдээд байдаггүй болохоор. Гэхдээ энэ дуунд ойрын үед үнэхээр их дурлаж байна аа. Өөртөө итгэлгүй болсон, өөрийгөө байгаагаасаа доогуур үнэлж шаналж явдаг охидод сайхан мессеж өгсөн дуу байна лээ. Тэгээд зүгээр л энгийнээр орчуулмаар санагдсан юм.

Би сайхныг мэдэрч байна /орчуулга/

Дээгүүр нисэх шувуу чи, надад мэдрэгдэж буйг мэдэрч буй
Тэнгэрт байгаа нар чи, надад мэдрэгдэж буйг мэдэрч буй
Дэргэдүүр давхих салхи чи, надад мэдрэгдэж буйг мэдэрч буй
Шинээр үүр цайж байна, шинэ өдөр эхэлж байна, шинэ амьдрал өмнө минь байна
Тийм ээ, би сайхныг л мэдэрч байна

Анна Ахматова: 3-р сарын элегия

Хазайсан оройтой чимээгүй сүм,
Хар хэрээнүүдийн чихарсан хоор дуу,
Галт тэрэгний шүгэлдэх чимээ,
Гяндангаас дөнгөж суллагдсан эр шиг
Газарт ядрангуй зогсох хус мод
Ариун Библийн
Ариун моднуудын хоорондох
Шөнө дундын нууц хурал,

Ella Fitzgerald-Misty

Намайгаа хараач, би модонд авирсан муужгайнаас ч сул дорой болчихоод,
Үүлнээс зүүгдээд л, нисээд л яваа юм шиг...

Сүрчиг-Алуурчны түүх

Жан Баптист Грануиллийн төгс үнэрийг бүтээх гэсэн төгс арга-бүсгүйчүүдийг хэрцгийгээр хөнөөж биенээс үнэрийг нь шингээж авах. Заримдаа хэтэрхий төгс юм болгон аймшигтай байдаг.

Katie Melua-I Cried For you

Чи маш чимээгүй хирнээ үзэсгэлэнтэй
Чиний гоо үзэсгэлэн цэнхэр өнгөний сүүдэр дор бий
Чам руу харахад л
Чиний гоо үзэсгэлэн намайг хэрцгийгээр илбэдсэн

Шөнө дунд цас орж байна

Хав хар тэнгэрээс цагаахан од дусална
Харанхуйд хэн нэг нь уйлж байна
... Энэ яасан сэвсгэр зөөлөн!
Энэ яасан сэрүүн аниргүй!